Dishwasher sa isa ka resort sa Barangay Baybay, gin-aresto matapos nagtanom sang peke nga bomba

ROXAS CITY – Gin-aresto sang mga kapulisan ang isa ka dishwasher sang San Antonio Resort sa Barangay Baybay, Roxas City matapos ginaalegar nagtanom sang peke nga bomba sa amo nga lugar.

Ginkilala ang suspek nga si Billy Bito-on.

Mahibaluan nga nagtuga sang kakugmat sa sulod sang resort ang ginhimo ni Bito-on nga ginapatihan may kalain sang buot sa tagdumalahan sang nasambit nga resort.

Sa pagtsekyar sang mga katapo sang Philippine Coast Guard, nag-negatibo sa bomba ang sulod sang resort kag narekober ang powerbank nga may battery nga ginapatihan amo ang gintanom sang suspek agud magtuga sang kakugmat sa mga tawo sa amo nga lugar.