ROXAS CITY – Desiplina kag dedikasyon ang nangin sekreto sang FCU Chorale, agud makuha ang kadalag-an sa ginpatigayon nga 12th Bali International Choir Festival 2023 kag ginhiwat sa Bali, Indonesia.
Sa interview sang Bombo Radyo kay Ms. Agnes June Limaco kag FCU Chorale Mixed Youth Category Winner ginpahayag sang mga ini nga indi nangin madali ang ila na-eksperyensyahan antes nalab-ot ang kadalag-an.
Ang nasambit nga grupo, may yara sang 19 ka mga miyembro nga nagikan sa nagkalain-lain nga mga departamento sang Filamer Christian University.
Suno sa grupo, nagsugod sila nga nagparegistered sa amu nga pasinawan sadtong Setyembre sang tinalikdan nga tuig kung sa diin nakabaton sila sang imbitasyon nagikan sa nasambit nga pungsod.
Mahibaluan nga yara sa 14 tanan ka mga pungsod, ang nagpakigbahin sa amu nga aktibad kag kung sa diin maswerte ang ila hubon bangud isa sila sa mga nakakuha sang amu nga pasidungog.
Matandaan nga nakakuha ang grupo sang Gold Medal IV, Qualified to Championship and Category Winner of Mixed Youth Vategory kag Silver Medal with the 2nd Highest Score in the Championship Round nga ginhiwat sadtong Hulyo 24, 2023.
Ginpahayag man sang grupo nga indi tanan nga gastos ang nagikan sa unibersidad bangud mismo sila nagpaguha sang kaugalingon nga kwarta agud gamiton sa ila galastuson.
Dako man ang ila pagpasalamat sa mga tawo nga wala nag-untat sa paghatag sang suporta sa ila ilabi na sa ila mga pamilya, pribado nga indibidwal nga nagpalab-ot sang bulig, mga pulitiko subong man sa gobyerno probinsyal sumugod nga naga-umpisa pa lamang sila.
Panugyan sang mga ini para sa may mga luyag nga magpasakop kag mangin kabahin sang ila miyembro, kinahanglan passionate kag dedicated sa imu ginahimo kag kahibalo magpamati sa tion nga disiplinahon.
