ROXAS CITY – Matigdas nga ginpakigbahin ni Sangguniang Bayan member Rogelio ‘Toto’ Besorio sang banwa sang Panay, ang mga tinutuyo sini sa iya nangin diskurso prebilihiyo sa ila sesyon sang nagligad nga adlaw, nga gintig-ulohan sini nga “Ano bala ang matu-od?”
Sa interview sang Bombo Radyo kay Hon. Besorio, luyag sini nga maathagan sa rason ni Hon. Paolo Besa kun ano ang rason sa gindul-ong sini nga privilege speech sang Enero 11, 2023, nga sa pagkamatuod suno diri, natigayon na nga maklaruhan ang iya iya concern, sang ginpataawag sila sa Kapitolyo probinsyal.
Suno kay Besorio, ginagamit ni Besa ang pangalan sang mga empleyado angut sa Service Recognition Incentive (SRI) nga klaro suno diri sa guidelines nga kun may nabaton na nga insentibo nagikan sa gobyerno, indi na pwede nga magdoble ang amu nga incentive.
Sa malip-ot nga pulong, suno kay Besorio nga nagahipos si Besa sa paghaboy sang kritisismo batuk sa administrasyon ni Bermjeo kun makabaton ini sang insentibo, gani indi matuod nga nagarepresentar si Besa sang mga empleyado kag personal nga interes lang ang iya ginahimo.
Samtang, ginakuwestyon man ni Besorio kun ngaman ginmanduan ni Besa ang staff sang Sanggunian nga sa adlaw mismo sang sesyon ihatag ang kopya sang iya igadul-ong nga privilege speech nga sa pagkamatuod, napasa na ni Besa ang amu nga mga kopya antes ang adlaw sang ila sesyon.
Ginklaro ni Besorio nga wala ini nagapamersonal kay Besa, sa baylo, trabaho ang ang iya ginahimo.
Nahibaluan nga nangin mainit ang nagluntad nga sesyon sang Sangguniang Bayan member sa banwa sang Panay bangud sa ila nga duha.
