Ginbasura sang Commission on Elections (Comelec) ang petisyon nga may katuyuan nga i-disqualified ang ginaalegar child abuser nga si Apollo Quiboloy sa pagpadalagan sa May 2025 midterm elections.
Sa 14 ka panid sang desisyon sang Comelec First Division, napaslawan ang petitioner nga si labor leader Sonny Matula nga maghatag sang bastante nga ebidensya agud kanselahon ang certificate of candidacy (COC) sang nakabilanggo nga religious leader.
Sandug sa desisyon nga ginpaguwa sang Comelec sang nga Disyembre 20, 2024 nakasaad ang: “Even if this Commission (First Division) were to apply the rules on liberality and decide based on the merits of this Petition, the grounds relied upon by the Petitioner for the disqualification of Respondent and the cancellation of his COC are incorrect and without factual and legal basis.”
Nakasaad man nga may procedural lapses sa pag-file sang petisyon, nga nagahatag sang punto nga ang isa ka petisyon para ideklarar ang isa ka kandidato bilang isa ka “nuisance” ang indi mahimo nga ilakip sa iban pa nga mga basehan para sa isa ka separado nga remedyo.
Hugot naman nga ginpaathag ni Matula nga ang nominasyon ni Quiboloy sang Partido ng Manggagawa at Magsasaka ang indi tama bangud sa indi otorisado nga pagpirma sang iya Certificate of Nomination and Acceptance (CONA).
Nagdesisyon ang Comelec nga wala sang “material misrepresentation” sa idalom sang election laws.
Nahibaluan nga ang CONA sang nakabilanggo nga religious leader ang ginbawi sadtong Oktubre 21, kag ginpili nga magpadalagan bilang isa ka independent senatorial candidate.
