ROXAS CITY – Nabaton na sang mga chiefs of hospital sa mga district hospital sa kabanwahanan kag hospital administrators sa mga pribado nga ospital ang 1,700 doses sang Sinovac vaccine.
Sa ginpatigayon nga ceremonial launching sa mga district hospital kag private hospitals sa pool side sang villareal stadium kaina sang aga pormal nga ginturn-over sa mga pinuno sang ospital ang ginpa-in sa ila nga Sinovac vaccine nga gamiton sa mga medical personnel agud mahatagan sila sang proteksyon batuk sa coronavirus disease.
Nahibaluan nga nag-abot kahapon nga adlaw ang dugang nga mil 700 ka doses sang Sinovac vaccine nga ginpa-in sa mga district kag private hospitals.
Ginpahayag ni Dr. Mary Joy Castroverde, DOH-Capiz Representative nga nagtaas ang numero sang mga medical personnel nga nagpahayag sang kahandaan nga magpabakuna sang Sinovac vaccine, matapos nga wala sang adverse effect nga nabatyagan ang mga medical healthworkers sang RMPH nga una nagpabakuna.
Samtang buwas nga adlaw magasugod ang vaccination sa mga medical health workers sa mga district kag private hospitals.
