Desidido ang Department of Migrant Workers (DMW) nga tukibon ang mga tawo nga yara sa likod sang illegal recruitment sang mga Pilipino nga ginpromisahan sang disente nga trabaho sa iban nga pungsod, apang nagresulta sa mala-POGO hub sa Myanmar, Laos kag Cambodia.
Ginpahayag ni DMW undersecretary for licensing and adjudication services Bernard Olalia, na-set up na ang isa ka sistema agud batuan ang trafficking sang mga Pilipino.
Kalakip suno diri sa sistema ang pagbutang sang isa ka labor attaché sa Thailand kag pakigkooperar sa Department of Foreign Affairs kag Inter-Agency Council Against Trafficking.
Una diri, 12 ka biktima sang trafficking gikan sa Myanmar ang nag-abot sa pungsod pinaagi sa repatriation program sang gobyerno.
Ginpahayag ni DMW Secretary Hans Cacdac nga isa sa 12 ang gin-aresto matapos matukiban nga ang isa ang isa ka illegal recruiter nga nagpakuno-kuno bilang isa ka distressed overseas Filipino worker (OFW).
