Ginapreparar na sang Department of Migrant Workers (DMW) ang reintegration assistance para kay Mary Jane Veloso matapos ginhatagan sang absolute pardon ni President Ferdinand Jarcos Jr.
Suno kay Migrant Workers Secretary Hans Leo Cacdac may yara sang na-assign nga team nga magpadulong sa Nueva Ecija agud mag-coordinate sa pamilya ni Veloso kag lokal nga opisyales para sa nagakaigo nga assistance package.
Ang suporta nga igahanda sang DMW kag OWWA nagalakip sang psychosocial counseling, livelihood starter kits, business capital, kag skills training.
Ang mga plano sa negosyo ni Veloso mahimo man nga i-angot sa mga kooperatiba kag mga programa sa ekonomiya sa Nueva Ecija.
Nahibaluan nga nakapauli na si Veloso kag nakaupod liwat ang iya pamilya matapos nga ginbuy-an sa Correctional Institution for Women sa Mandaluyong City.
Nadakpan si Veloso sa Indonesia sang 2010 matapos gin-alegar nabiktima sang human trafficking kag may bitbit nga maleta nga may unod nga 2.6 kilos sang heroin.
Suno sa DMW, ang prinsipyo sang indi pagsilot sa mga biktima sang trafficking nga gindaya ukon ginhimuslan sa paghimo sang mga krimen nga resulta sang trafficking importante sa iya kaso.
