Nakahanda na ang Department of Migrant Workers (DMW) nga ipabalik ang mga Pinoy gikan sa Middle East kasunod sang pag-anunsyo sang heightened alert status bangud sa inaway sa tunga sang Israel kag Iran.
Suno kay Undersecretary Bernard Olalia, yara sa high alert ang DMW kaupod ang Migrant Workers Offices (MWO) kag labor attachés sa rehiyon kag handa nga magresponde sa anuman nga posible nga insidente.
Ginpahanumdom ni Olalia ang mga overseas Filipino workers (OFWs) kag ila pamilya nga aktibo na ang hotline sang ahensya sa paghatag sang bulig sa mga apektado sang sitwasyon.
Gin-athag ni Olalia nga ang Alert Level 3, ukon boluntaryo nga repatriation, ginpatuman na sa Israel humalin sang 2023. Ginsiling sini nga may mga 20,000 ka OFWs sa Israel, nga nagatrabaho bilang caregivers, subong man sa hotel, agrikultura, manufacturing workers, kag iban pa nga sektor
