Magasumite ang Department of National Defense (DND) sang ila suhestyon nga amyenda para sa espionage law.
Suno kay Senate President Francis Escudero, kabahin ini sang ila nangin paghinala ni Defense Secretary Gibo Teodoro kag iban pa nga mga opisyal sang Armed Forces of the Philippines (AFP).
Mahibaluan nga ginklaro sa espionage law kung ano nga probisyon ang mahimo i-apply sa panahon nga wala sang giyera.
Importante man nga mangin klaro kung anu nga mga impormasyon ang indi kinahanglan ipaguha partikular na ang mga makunsiderar nga secret kag top secret information.
Klaruhon man kung anu nga penalidad ang mahimo nga ipamatbat sa mga magapalapta sang sensitibo nga impormasyon sang gobyerno.
Matandaan nga ginbuyagyag sang isa ka self-confessed Chinese spy nga si She Zhijiang sa Al Jazeera documentary nga kaangay niya isa man ka espiya sang state security sang China si dismissed Bamban, Tarlac Mayor Alice Guo.
