-- ADVERTISEMENT --
Patay ang isa ka 48-anyos nga doctor matapos mahulog ang iya ginamaneho nga sports utility vehicle ukon SUV sa suba sa Barangay Tungel, Baggao, Cagayan.
Natabo ang insidente samtang nagabubo ang mamunog nga ulan.
Suno kay Police Lt. Col. Rovelita Aglipay, hepe sang Baggao Police Station, gamay lang ang taytay nga gin-agyan sang SUV kag may mga sandbag pa sa kilid sini nga nagaserbe nga pangbalabag.
Mahimo nga wala natalupangdan sang biktima ang mga sandbag nga iya nabunggo-an antes ini nahulog sa taytay kag baliskad nga nahulog sa sapa nga may tubig.
Nagbuligay ang mga otoridad nga kuhaon ang driver sa sulod sang salakyan kag gindala gilayon a ospital apang gindeklara nga dead on arrival.
-- ADVERTISEMENT --
