Magapatigayon ang Department of Energy (DOE) ang sang One-Stop-Shop sa Palawan sa subong nga adlaw tubtob 15, 2025 agud mapadasig kag mapadali ang pagkuha sang License to Operate (LTO) kag Certificate of Compliance (COC) para sa mga negosyo sa industriya sang liquefied petroleum gas (LPG).
Ini nga inisyatibo nagatuyo nga mapalapit ang serbisyo sang gobyerno sa malayo nga mga lugar sang pungsod, suno sa direktiba ni Presidente Ferdinand Marcos Jr., ilabi na gid para sa mga micro, small, and medium enterprises (MSMEs).
Magluwas diri, mahimo man mapadasig ang proseso, kag sa amo man nga adlaw makuha ang LTO kag COC basta kompleto ang mga dokumento sang aplikante.
Ginalauman man sang ahensya nga mabuhinan ang gasto kag kahasol sa pag-uyat sang mga dokumento, kadungan sang pagpabaskog sang pagsunod sa mga pagsulundan sa idalum sang LPG Industry Regulation Act (LIRA).
Ini na ang ikaduha nga One-Stop-Shop sang DOE sa Palawan, kasunod sang amo man nga aktibidad nga ginpatigayon sa Puerto Princesa sang tuig 2023. Plano man sang DOE nga palaparon ang programa sa iban pa nga mga isla kag malayo nga mga probinsya sa pungsod.
Samtang nagapahanumdom sa DOE nga magpreparar sang kumpleto nga mga dokumento agud mapadasig ang proseso.
Nagpaandam man ang ahensya sa mga indi magsunod sa regulasyon nga mahimo sila magapangatubang sang mabug-at nga penalidad kaangay sang suspension, business closure, ukon permanent disqualification.
