DOE sa oil firms: ipatuman sang husto ang rollback, indi pag utay-utayon

Ginhingyo sang Department of Energy (DOE) sa mga kompanya sang langis nga indi pag utay-utayon ang pagpatuman sang rollback sa presyo sang gatong kag ipatuman ini sang husto kag dululungan.

Suno kay DOE Secretary Sharon Garin, maathag ang direktiba ni President Ferdinand Marcos Jr. nga ipatuman ang dako nga buhin sang presyo sang insakto kag wala sang delay.

Ginabulubanta nga aganubo ang presyo sang diesel sang P24.94 kada litro, P3.41 sa gasolina, kag P2.00 sa kerosene subong nga semana.

Ginganyat man sang Presidente ang publiko nga i-report ang ano man nga paglapas sa implementasyon sang rollback, samtang padayon naman nga ginapatuman sang gobyerno ang fuel subsidy kag iban pa nga programa agud mabuligan ang sektor sang transportasyon.