DOE, suportado ang panawagan nga kakson ang VAT sa Kuryente

Suportado sang Department of Energy (DOE) ang ginaduso nga hagna nga kakson ang value-added tax (VAT) sa kuryente agud mabuhinan ang gasto sang mga konsumidor.

Suno kay Energy Secretary Sharon Garin, ginahatagan sang DOE sang importansya ang mga tikang nga magapanubo ang presyo sang kuryente sa pungsod, lakip na ang posibilidad nga ma-exempt ang kuryente sa VAT.

Apang, ginpahayag man sini nga kinahanglan pa sang malawig nga pagtuon kag evaluation kaangut sa amo nga tikang.

Matandaan nga  gin-file ni Sen. Risa Hontiveros ang Senate Bill No. 2076 nga may tinutuyo nga kuhaon ang VAT sa system loss charges sa kuryente, kasunod sang padayon nga pagsaka sang presyo ilabi subong nga tig-ilinit.