ROXAS CITY – Ginahulat pa sang City Veterinarian’s Office nga matapos ang pagpakaayo sang dogpound facility sang siyudad sa Barangay Dinginan, Roxas City.
Ini ang ginpahayag ni City Veterinarian Dr. Roberto Dante Corros sang mainterview sang Bombo Radyo.
Suno kay Corres nga una na ini nga nagpakighinala sa alkalde sang siyudad agud nga mapakaayo ang nasambit nga pasilidad.
Agud dalayon nga mangin operational ang nasambit nga talatapan suno kay Corros, may mga kalay-uhon pa sa amo nga pasilidad nga nagakinahanglan sang nagakaigo nga pondo.
Magluwas sa amo nga pasilidad, importante man suno diri nga may yara sang lisensiyado nga veterinary doctor nga magabulig sa paghatag sang solusyon sa problema sa madata nga paglinapta sang layaw nga ido sa siyudad.
Nagakadapat man suno diri ang pagtukod sang Task Force agud masolusyunan ang nasambit nga problema.
