ROXAS CITY – Ginapahalong karon sang Department of Health ukon DOH-Capiz ang publiko sa sakit nga leptospirosis nga isa sa mga balatian nga nagaduging sa tagsa ka tig-ululan.
Nagpahanumdum si Mr. Joeffrey ”Pancho” Espiritu, development management officer sang DOH-Capiz nga likawan nga mag-ubog sa baha, bangud sa kuntaminado nga tubig nga may ihi sang ilaga nagahalin ang sakit nga leptospirosis.
Nagpanugyan man ini nga kun indi malikawan kinahanglan lamang maggamit sang botas agud maprotektahan ang kaugalingon sa amo nga sakit.
Kalakip sa mabatyagan nga sintomas sang leptospirosis amo ang lagnat, pagpalanakit sang ulo kag kalawasan, pagpalamula sang mata, pagpalanakit sang kasu kasuan.
Pananglitan nga makabatyag sang kasubong nga mga sintomas, gilayon nga magpakunsulta sa doktor.
