ROXAS CITY – Ginaengganyo sang Department of Health (DOH)-Capiz, ang mga pumuluyo nga magpaturok sang booster shots, ilabi na sa mga nakabaton na sang ila primary doses.
Sa interview sang Bombo Radyo kay Mr. Joeffrey Espiritu, ginpahayag sini nga may mahatag nga proteksyon ang booster doses sa isa ka tawo agud malikawan nga makaangkon sang malala nga sintomas sang COVID-19.
Gindugang pa sini, importante nga makabaton sang booster doses ang isa ka tawo bangud samtang nagadugay, naganubo man ang mahatag nga proteskyon sang COVID-19 vaccines sa lawas sang tawo, rason nga mas maayo kun nakapaturok sang booster shots.
Normal man suno diri nga makabatyag sang adverse effect, kaangay sang pagpang-alay sang butkon nga ginturukan, lagnat kag pagpangluya sang lawas.
Nahibaluan nga may yara pa gid lamang sang 6.11% ang porsyento sang bakunado sang booster shots sa probinsya sang Capiz.
