ROXAS CITY – Liwat nagpahanumdum ang Department of Health (DOH) Capiz sa publiko sa pagtuhaw sang common diseases nga nagaduging sa tagsa ka summer season ukon tag-ilinit.
Partikular nga gintumod ni Mr. Joeffrey Espiritu, ang Development Management Officer 4 sang DOH-Capiz ang anom ka mga balatian nga masami ginasuprehir kun tag-ilinit.
Ang mga balatian suno kay Espiritu nga masami nga nagatuhaw kun tag-ilinit amo ang 6S ukon ang Sore eyes, Sip-on kag ubo, Skin diseases, Suka at pagtatae ukon Diarrhea, Sakma ng aso ukon kagat sang ido, kag Sakuna ukon aksidente.
Kalakip man sa balatian nga masami nagatuhaw kun tuman ka init ang panahon amo ang heatstroke.
Ginpahayag ni Espiritu nga importante nga mahibaluan ang ini nga mga balatian agud makahimo sang pamaagi agud malikawan ini.
Nagpanugyan man ini sa publiko nga importante sa karon nga mag-inum sang madamo nga tubig agud malikawan ang dehydration, magkaon sang prutas kag ensakto nga oras sang pagtulog.
