Naka-standby na ang Philippine Emergency Medical Assistance Teams (PEMATs) sang Department of Health (DOH) sa Luzon kag Visayas agud magpatindog sang field hospitals kasunod sang mabaskog nga 7.8 magnitude nga linog nga nag-igo sa Sarangani sang Lunes sang aga, Hunyo 8.
Sa pahayag ni Health spokesperson kag Undersecretary nga si Albert Domingo, gilayon nga gin-activate ang mga crisis protocol sa mga ospital sang DOH kag mga Center for Health Development regional offices.
Ginpangunahan man ang rapid assessment sa kahimtangan sang mga health facilities sang DOH kag lokal nga panguluhan agud masiguro nga luwas ini nga pagadal-an sang mga posible nga pasyente nga naapektuhan sang linog.
Nakahanda man nga ideploy ang health emergency response teams sa mga ospital sang DOH kag sa mga Center for Health Development base sa nagapadayon nga ground operations.
Nagpaandam naman ang DOH sa publiko nga yara sa mga apektado nga lugar nga magbantay batok sa posible nga mga aftershock kag magsunod sa ginapatuman nga tsunami warning sang mga otoridad.
