Ginpaandaman sang Department of Health (DOH) ang publiko nga likawan ang sobra-sobra nga pagkaon subong nga holiday.
Ginapalikaw man sang ahensiya ang publiko batuk sa mga pagkaon nga mataas ang sugar content, matataba, kag mamantika.
Ang mga nasambit nga pagkaon, suno sa DOH, ang sobra nga nagapalala sa nagkalain-lain nga balatian ilabi na sa mga may yara sang ginainom nga maintenance drugs.
Suno sa ahensiya, agud mangin masadya ang pagselebrar sang Paskwa kag Bag-ong Tuig, mas maayo nga fresh kag healthy meals ang ihanda para sa pamilya kag mga bisita, kaysa sa mga ma-asukar kag mamantika nga pagkaon.
Ginapanugyanan man sang ahensiya ang publiko nga usisaon sang mayad ang expiration date sang mga produkto kag mga sangkap nga pagagamiton sa paghanda sang pagkaon.
Kun nasamad ukon napanis na, siling sang DOH nga kinahanglan na nga ihaboy sang maayos ang mga ini.
Dugang pa sang ahensiya sa mga minor, nagabusong, kag mga tsuper, likawan nga ma-inom sang makahulubog nga ilimnon ukon maglasing sa kasagsagan sang wala-tuo nga mga handaan.
