Nagpahayag sang suporta ang Department of Health (DOH) sa hagna nga pagpataas sang excise tax sa mga ilimnon nga matam-is.
Suno kay Finance Undersecretary Karlo Fermin Adriano, ang Pilipinas may pinakamanubo nga excise tax sa mga carbonated beverages kumpara sa mga kaingod nga pungsod sa Southeast Asia.
Sa hagna sang Department of Finance (DOF), target nila nga pataason sa P20 kada litro, halin sa P6 kada litro, ang buwis sa mga matam-is nga ilimnon nga may caloric sweeteners.
Samtang ang mga ilimnon nga nagagamit sang high fructose corn syrup pagapataason sa P40 kada litro, halin sa P12, kag may yara man sang lima ka porsyento nga pagtaas kada tuig.
Suno naman sa DOH, paagi sini, maminusan ang pagkonsumo sang mga matam-is nga ilimnon nga isa sa mga ginakabig nga kabangdanan sang pagdamo sang mga kaso sang diabetes.
