Nagpaandam ang Department of Health (DOH) angut sa nagalapta nga peke nga social media page kung sa diin sala nga gina-associate ang ahensya pinaagi sa isa ka produkto nga “nutritional milk” kung sa diin ginapahayag nagapaayo sa chronic insomnia.
Ang peke nga page, nagapakilala bilang DOH kung sa diin ginasuhestyon nga mag-inum sang produkto adlaw-adlaw bangud nagapaayo ini suno diri sa ikaayong lawas kag kalidad sa pagtulog.
Sa isa ka pahayag, ginklaro sang ahensya nga wala ini gina-endorso ukon ginakilala ang amu nga produkto.
Bangud sini, ginhatagan sini sang pagtamod ang insomnia may yara sang nagkalain-lain nga rason kag wala sang dalayon nga solusyon.
Dugang pa diri nga ang epektibo lamang nga bulong para sa amu nga sakit amu ang instakto nga sleep hygiene, therapy, kag abiso nagikan sa mga eksperto sa medisina.
Naghatag man sang pahanumdum ang DOH angut sa mga mapaniplang nga social media page nga nagagamit sang marketing, kalakip na ang peke nga mga testimonya kag ginpadako nga mga claim sa ikaayong lawas.
Samtang nakalab-ot naman sa Department of Information and Communications Technology (DICT) ang peke nga page agud kuhaon ini kag ginganyat ang publiko nga sundan lamang ang mga opisyal nga social media account sang DOH.
