Nagpanugyan ang Department of Health (DOH) sa publiko nga mag-inom sang bastante nga tubig sa tunga sang ginalauman nga delikado nga heat index nga nagalab-ot sa 50°C.
Ginhimo ni Health Spokesperson Assistant Secretary Albert Domingo ang paandam kasunod sang forecast sang state weather bureau nga posible makaeksperyensya sang kaangay nga mainit nga temperatura sa AS-UPLB sa Los Baños, Laguna subong nga adlaw, Miyerkules, Abril 16.
Suno sa opisyal, dapat magpabilin nga hydrated.
Depende sa pagkaladlad sa init, kon ikaw yara sa guwa sa adlaw sa malawig nga tion, mahimo ka mag-inom sang walo tubtob napulo ka baso sang tubig.
Ginpaandaman man sang DOH ang publiko batuk sa heat-related diseases kasubong sang heat cramps, heat exhaustion, kag heat stroke, nga lapnagon subong nga tig-ilinit.
