Target sang Department of Health (DOH) ang pagbakuna sang Human Papillomavirus (HPV) sa halos isa ka million nga Grade 4 nga estudyante nagikan sa mga pampubliko nga bulutuan, lakip na man ang iban pa nga mga estudyante nagikan sa mga pribado nga buluthuan sa pungsod.
Sa nangin pahayag kay Department of Health (DOH) Secretary Teodoro Herbosa, ginsiling sini nga plano sang ahensya nga magsugod sang rollout sang bakuna sa bulig sang Department of Education (DepEd) sa ikaduha nga kwarter sang 2025.
‘Mahal iyong HPV vaccination. P4,000 per dose… Two doses P8,000 per nine-year-old girl. Pinondohan na ako ni President for 2025. For 2025, we can vaccinate all Filipina girls and ang effect niyan, mawawala ang cervical cancer”, pahayag ni Sec. Herbosa.
Dugang pa sini nga sumugod sang Enero 6, masobra tunga sa milyon nga estudyante nga nagikan sa Grade 4 ang nakabaton na sang una nga doseses sang Human Papillomavirus vaccine pinaagi sang school-based immunization program.
Samtang sa rekord sang International Agency for Research on Cancer sang World Health Organization (WHO) nagadangat na sa 8,549 nga mga babayi nga Filipino ang apektado sang cervical cancer kag katunga sa mga napatay sang 2022.
Dugang pa nga 95% nga mga kaso sang cervical cancer ang nagikan sa HPV, isa ka sahi sang sexually transmitted infection nga tuga sang skin-to-skin contact.
Agud mabuhinan ang mga risgo nga tuga sang virus, ginrekomendar sang DOH nga mabakunahan ang mga bata nga babayi sumugod sa edad nga siyam ka tuig.
