MANILA, Philippines – Nagpanawagan si Justice Secretary Fredderick Vida sa mga ginikanan nga mas hugot nga bantayan ang online activities sang ila kabataan, ilabi na ang ila ginatan-aw kag ginapakig-angutan sa online gaming platforms.
Suno kay Vida, ginapuntirya sang mga extremist groups ang menor de edad nga aktibo sa online gaming platforms, ilabi na ang mga kabataan nga nagapalawig sang oras sa pagtuga sang violent online games.
Pahayag pa niya, ang mga recruiter nagasulod sa group chats agud pangitaon kag makakita sang target nga ang mga kabataan, antes ini ginamentor kag ginagiya padulong sa violent extremism.
Dugang pa sang DOJ chief, dapat man likawan sang publiko ang pag-share sang graphic ukon bayolente nga video sa social media bangud mahimo ini magpalapta sang kahadlok kag maghatag sang oportunidad sa mga nagapangita sang pagpahamtang sang terror.
Ginpahanumdom man niya ang publiko kag media nga indi pagpalapta ukon pag-amplify sang sensitibo kag graphic nga content, bangud mahimo ini magresulta sa copycat incidents kag makadisturbo sa kalinong sang sosyedad.
Sa karon, ginpahayag ni Vida nga importante ang voluntary restraint kag responsable nga paggamit sang digital platforms sang tagsa ka indibidwal agud matapna ang paglapta sang pagka bayolente nga ginagamit sa online.
