MANILA, Philippines – Gin-athag sang Department of Justice “DOJ”, spokesperson Atty. Polo Martinez, ang proseso sang extradition request sang United States batok kay founder Kingdom of Jesus Christ “KJC”, nga si Apollo Quiboloy sa tunga sang Manila kag Washington agrrements kag Philippine statutes.
Sa isa ka pahayag ni DOJ Spokesperson Atty. Martinez ginbase ang tanan nga pormal nga request kun sa diin nagakinahanglan sa gihapon sang maid-id nga proseso sang ahensya kag judicial antes ang pagsurrender sang subject person, samtang kun mapamatudan ang request nagatuman sa tanan nga kinhanglanon, ipadala ini sang Department of Foreign Affairs “DFA”, sa DOJ, nga amo naman ang magapasaka sang petisyon sa nagakaigo nga Regional Trial Court “RTC”.
Suno sa Rules on Extradition Proceedings nga gin-issue sang Korte Suprema, kon kinahanglan ang oral testimony, dapat matapos ang hearing sa testigo sa sulod sang isa ka adlaw, kag ang korte dapat mag-issue sang desisyon sa sulod sang 30 ka adlaw hasta sa katapusan nga testigo sa pagsumiter sang pinal nga pleading.
Base sa desisyon sang korte sa extradition request may yara sang 90 ka adlaw nga dapat iresolbar ang kaso antes ini mangin legal nga basehan.
Dugang pa sa impormasyon ini ginkumpirmar na sang DFA nga nabaton na nila ang extradition request nagikan sa United States.
Matandaan nga si Quiboloy ang nagapangatubang sang kaso sa US may kaangtanan sa sex trafficking, child sex trafficking, labor trafficking, visa fraud, bulk cash smuggling kag money laundering, samtang sa Pilipinas ini na detention nga nagapangatubang sang akso nga qualified human trafficking.
Sa karon sandig sa Article 11 sang RP-US Extradition Treaty, mahimo nga palawigon sang gobyerno ang pagpatuman sang extradition tubtob matapos na ang nagapadayon nga mga kaso ni Quiboloy sa Pilipinas.
