Ginpahayag sang Department of Justice (DOJ) nga indi bangud sa treaty nga may yara ang Pilipinas kag Indonesia rason nga maibalik na sa pungsod si Mary Jane Veloso.
Suno sa ahensya, ini ang bangud na man sa wala sang untat nga pagpakig-angut kag kasunduan base sa international comity and courtesy sa nasambit nga pungsod.
Una na nga gin-anunsyo ni Presidente Ferdinand Marcos Jr. nga nagsugot na ang Indonesia nga ibalhin ang kustodiya ni Veloso sa Pilipinas.
Si Veloso ang nagapangatubang sa kaso nga may kinaangtanan sa ilegal nga droga sa Indonesia kag kamalayan ang nangin hatol diri sa iya.
Madamo nga administrayon nga ang naghinyo sa gobyerno sang Indonesia nga mapalaya ang Pinay apang napaslawan ang mga ini.
Subong nga ibalhin na ini sa pagpangasiwa sang Pilipinas, maluwas na man ini sa parusa nga kamalayan bangud wala sang Death penalty diri sa pungsod.
Ginalauman naman nga maibalik sa Pilipinas si Veloso sa madali nga mga tinion.
