Ginsiguro sang Department of Justice (DOJ) nga maga-agi sa intsakto proseso ang mga kaso nga ginapangatubang ni Pastor Apollo Quiboloy.
Suno kay DOJ Secretary Jesus Crispin Remulla, ang pagkaaresto kay Quiboloy isa ka pamatuod sa professionalism kag commitment sang mga puwersa sang gobyerno agud matuman sang instakto ang ila mga trabaho.
Mahibaluan nga sumugod pa sa una nangin hugot na nga kaupod sang layi ang mga kapulisan kag iban nga mga ahensya sang gobyerno.
Gin-ako man sini nga ang pag-aresto sa Pastor isa ka dako nga pagtilaw bangud sa pagiging maimpluwensiya kay may gahum apang wala nagpapiyerde ang mga otoridad.
Matandaan nga nagapangatubang sa kaso nga child sexual abuse kag human trafficking si Quiboloy.
Samtang, una na nga nagsungka si Quiboloy kag apat nga mga personalidad kahapon nga adlaw sang Domingo matapos ang 24-oras nga ultimatum sang PNP.
