Ginkumpirmar sang Department of Justice nga may isa pa ka bag sang human remains nga narekober sang mga otoridad sa nagapadayon nga search and retrieval operations sa Taal Lake.
Suno sa tiglikom sang departamento nga si Secretary Jesus Crispin Remulla, ang sako nga narekober sang Philippine Coast Guard ang may unod nga human remains.
Ginsiling sini nga ang narekober kahapon sa nagapadayon nga pagpangita sa idalom sang lake amo ang mga tul-an sang tawo lakip na ang kalabera kag bisan mga ngipon.
Dugang pa sang tiglikom nga ang mga bangkay nga narekober sa Taal Lake area mahimo nga gikan sa isa ka set sang mga tul-an ukon gikan sa isa ka partikular nga tawo.
Apang ginklaro sini nga ipaidalom sa dugang nga pag-analisar ang mga tul-an nga narekober sa lake nga karon ginsaylo na sa crime laboratory.
Bangud sini, nagapati si Justice Secretary Remulla nga ang ini nga bag-o nga recovery ang makabulig sa ila imbestigasyon.
Ginsiling sini nga posible kag posible nga ipaidalom sa DNA testing ang mga narekober nga bangkay, partikular ang mga ngipon kag kalabera.
Bangud sini, kumpyansa si Justice Secretary Remulla nga solido ang impormasyon nga ginpaambit sang witness nga may mga bangkay pa nga nakit-an sa Taal Lake
