Ginbasol sang Department of Justice si Pastor Apollo Quiboloy sa pagiging bayolente sang mga katapo sang Philippine National Police sa pagplastar sang arrest warrant batuk sa iya sa KOJC compound.
Matandaan nga nag-angkon sang mainit nga tensyon, matapos nga punggan sang mga miyembro sang KOJC ang mga kapulisan nga magaplastar lamang kun tani sang arrest warrant sa Davao City.
Sa isa ka pahayag, ginsiling ni Justice Undersecretary Raul Vasquez, ginhimo lamang sang PNP ang ila trabaho nga ipatuman ang layi kag wala ini sang anu man nga intensyon nga maghimo sang gamo.
Suno sa ahensya, kung nagsungka lamang si Quiboloy nalikawan kun tani ang kasubong nga hitabo.
Una na nga ginsiling sang PNP nga lehitimo ang ila operasyon batuk sa nasambit nga Pastor.
Bangud sini, nagpanawagan ang ahensya kay Quiboloy nga magsungka na kag atubangon ang mga kaso sa korte agud madepensaahan ang iya hanay.
