Imbestigahan sang Department of Justice (DOJ) ang notary public nga nag-notaryo sa counter-affidavit ni dismissed Bamban, Tarlac Mayor Alice Guo, apisar indi ini personal nga nanumpa sa atubang sini.
Suno kay Justice Spokesperson Mico Clavano, paga-aksyunan ini sang DOJ, ilabi na kag angut ini sa iya nga notarial authority, kag may posibilidad nga ini ang na misuse kag naabuso.
Sa hearing sang Senado sang tinalikdan nga Martes, matandaan nga gin-usisa sang pila ka senador si Atty. Elmer Galicia bangud sa iya nga mga pagkakasala kag kakulangan sa pagsunod sa procedure sang gin-notaryohan sini ang counter-affidavit ni Guo sa iya opisina sa San Jose Del Monte, Bulacan.
Gin-notaryo ang dokumento sang Agosto 14, apang ginbalita nga yara na sa guha sang pungsod sa nasambit nga adlaw si Guo.
Nanotisyar sang mga senador nga gin-notaryohan ni Galicia ang dokumento apisar nga indi personal nga nanumpa si Guo sa atubang sini.
