Ginpanindugan sang Department of Justice (DOJ) nga makabig sa gihapon nga kidnapping case ang kaso sang nadula nga mga sabungero.
Ini sa pihak sang pagbuyagyag ni Alyas Totoy nga ang mga bilin sang mga nadula nga sabungero ang ginpatay kag sang ulihi ginhaboy sa Taal Lake.
Ginpanindugan naman ni Justice Undersecretary Raul Vasquez nga tubtub indi makita ang biktima ukon makit-an ang ila bangkay, padayon ini nga makabig nga kidnapping case.
Sa pihak sang testimonya ni Alyas Totoy, wala pa suno sa iya sang ebidensya nga makapamatuod nga patay na ang mga sabungero, gani indi makabig nga murder ukon homicide ang kaso.
Samtang, ginapahayag nga malapit na man nga magtukod sang airtight case ang DOJ kasunod sang sunod-sunod nga imbestigasyon.
Ginpasalig sang opisyal sang DOJ nga ginakonsiderar sang ahensya ang tanan nga impormasyon nga nagguwa humalin sang nagtuhaw ang mga nauna sang naglupok ang isyu, pila na ka tuig ang nakaligad.
Ginpaathag ni Usec Vasquez nga ang pila sa mga testigo nga nag-surface sadto lubos man nga nag-recant ukon nagbawi sang ila mga pahayag.
Apang suno sa iya nga madamo sa mga testimonya kag ebidensya nga nakolekta sang DOJ humalin sang naglupok ang isyu ang ginapamatud-an man sang mga ebidensya nga bag-o lang nagtuhaw, bagay nga nagpamatuod sang case build-up nga ginahimo sang ahensya.
