Ginkumpirmar sang Department of Justice nga ginalantaw nila ang mga posible nga whistleblowers may kaangtanan sa anomaliya nga flood control project.
Suno kay Justice Secretary Jesus Crispin Remulla, may nagpalapit sa iya abogado nga nagarepresentar sa ‘whistleblower’ nga ginaalegar nakahibalo sang amo nga isyu.
Ginpaambit sini suno sa iya ang impormasyon kun paano ginatunga ang kwarta ukon pondo nga gingamit para sa kontrobersyal nga ‘ghost projects’.
Dugang pa sang Justice Secretary, nakahibalo man ini nga potensyal nga ‘whistleblower’ sa mga iregularidad sa kontrata, partikular sa proyekto sa Central Luzon nga nagabalor sang t million pesos.
Apisar nga makita ang potensyal, gin-ako sang nasambit nga tiglikom nga ginahulat pa nila ang mga ebidensya nga igapresentar sa departamento.
Suno sa iya, indi pa mapat-od sa gihapon kun magapadayon siya sa pagtestigo batok sa mga yara sa likod sang kaangay nga ‘ghost projects’.
