Nagpasiguro ang Department of Justice ukon DOJ nga padayon ang ila pag-imbestigar kag pagpapanabat sa mga personahe nga posible nga nalambigit sa kaso sang mga nawawalang sabungero sa pungsod.
Suno kay Justice Secretary Jesus Crispin Remulla, wala sila nagapabaya sa kaso kag padayon ang ila pagtipon sang ebidensya agud mapanabat ang mga responsable sa pagkawala sang mga sabungero.
Ginbuyagyag man sang DOJ nga ginaberipikar pa nila ang mga impormasyon nga ginhatag sang witness nga kilala kay alyas “Totoy,” nga nagaangkon nga may mga pulis kag iban pa nga personalidad nga posible nalambigit sa kaso.
Dugang pa sang DOJ, nagapakig-angot na sila sa iban nga ahensya sang gobyerno lakip ang Philippine National Police kag iban pa nga law enforcement agencies agud mapadasig ang imbestigasyon kag mahatagan sang hustisya ang mga pamilya sang mga biktima.
