Gin-subpoena na sang Department of Justice (DOJ) si Senator Robin Padilla may kaangtanan sa obstruction of justice complaint nga ginpasaka sang Philippine National Police (PNP) batok sa iya kag sa iban pa, bangud sa pagpalagyo ni Senator Ronald “Bato” dela Rosa sa Senado samtang may yara sang arrest warrant batuk sa iya halin sa International Criminal Court (ICC).
Ginmanduan si Padilla nga mag-atubang sa panel of prosecutors kag magpasa sang iya counter-affidavit sa Setyembre 25 kag Oktubre 9.
Ginkumpirmar man ni Padilla ang pagbaton sang subpoena sa isa ka post, nga nagasiling, “A subpoena has arrived.”
Una na nga nagpalab-ot sang reklamo ang PNP-Criminal Investigation and Detection Group batok kay Padilla kag sa iban pa sadtong Mayo bangud sa ginaalegar pagbulig sa paggwa sa Senado kay Dela Rosa.
Si Dela Rosa ang subject sang ICC arrest warrant may kaangtanan sa ginaalegar criminal responsibility sa crime againts humanity of murder nga natabo humalin sang Hulyo 2016 tubtub Abril 2018.
Samtang, ginpanginwala ni Padilla nga ginbuligan niya si Dela Rosa nga makapalagyo, suno sa iya, nakasakay lang sa iya salakyan ang anay hepe sang PNP sang maghalin sila sa Senado sang Mayo 14.
