Ginklaro sang isa ka opisyal sang Department of Justice (DOJ) nga indi mahimo suspendihon ni Pangulong Ferdinand Marcos Jr. si Vice President Sara Duterte.
Ini ang sa pihak sang assassination remarks sang Bise Presidente batuk kanday PBBM, First Lady Liza Araneta-Marcos kag House Speaker Martin Romualdez.
Suno kay Justice USec. Jesse Andres, ang Ombudsman lamang ang mahimo nga mag-suspendi sa ika-duha nga pinakamataas nga opisyal sang pungsod samtang ang Pangulo mahimo lamang mag-suspendi sang mga local government executives.
Apisar nga ginsiling sang opisyal nga mahimo mag-atubang sa diskwalipikasyon nagikan sa public office si VP Sara sa tion mapamatud-an nga guilty ini sa paglapas sa Anti-Terror Law sang pungsod kung sa diin ang pagpamahog suno diri sa Presidente ang pamaagi sang paghadlok kag pag-destabilize sa gobyerno.
Matandaan una na nga gin-eksplekar ni VP Sara nga ang iya ginbuy-an nga pahayag amu ang “taken out of context” lamang kag ginpahayag nga mapatay lamang siya antes mahimo ang pagpatay kanday PBBM, FL kag House Speaker.
