Posible nga nakapalagyo na sa kustodiya sang mga otoridad sang Czech Republic ang anay mamalidha nga si Zaldy Co, suno sa Department of Justice (DOJ).
Ginsiling ni DOJ Secretary Fredderick Vida nga wala pa sila sang kumpirmasyon kun yara pa sa kustodiya sang Czech authorities si Co, rason nga padayon nila nga ginaberipika ang mga reports kag ginarespeto ang proseso sang nasambit nga pungsod.
Una na nga ginreport nga yara sa Czech Republic si Co kag nakigkoordinar na man ang DOJ sa mga immigration officials kag kapulisan agud mapadasig ang possible nga pag-isyu sang Interpol red notice batuk sa iya.
Magapadala man sang dugang nga dokumento ang mga otoridad sang Pilipinas sa Central Europe bilang kabahin sang tikang para sa nasambit nga red notice.
Samtang, nagapabilin nga wala sang sigurado nga deadline ang proseso bangud sa naga-egsister nga sistema sang Czech Republic.
Si Co ang una na nga naangot sa nagkalain-lain nga anomaliya may kaangtanan sang mga flood control projects.
