Magaluwas na sa pungsod subong nga adlaw si Justice Secretary Fredderick A. Vida padulong sa Czech Republic agud tutukan ang kaso kag possible nga pagpapauli kay anay Ako Bicol Party-list Rep. Zaldy Co sa Pilipinas.
Suno sa Secretary, katuyuan sang ila nga biyahe nga makig-koordinar sa mga awtoridad sa Czech Republic agud mapadasig ang proseso sang pagbalik sang anay mamalidha nga may ginapangatubang pa nga mga kaso sa pungsod.
Kaupod ni Secretary Vida sa delegasyon si Chief State Counsel Dennis Arvin Chan kag mga tiglawas sang Philippine Center for Transnational Crime. Ginalauman man ang pagpakighinun-anon nila sa mga opisyal kag embahada sang Pilipinas sa nasambit nga pungsod.
Wala pa sang may ginhatag nga sigurado nga detalye ang DOJ kun ano kadugay ang ila nga pagtinir sa Czech Republic.
