ROXAS CITY – Ginrefer pabalik sa security agency ang reklamo sang duha ka mga security guards angut sa ginaalegar pagpahalin sa ila nga wala sang pauna nga abiso.
Ginpahayag ni Amalia Julicpa, OIC head sang DOLE-Capiz field office nga mas maayo nga mag-estoryahanay liwat ang magtimbang nga bahin.
Pananglitan nga magdesisyon ang mga tagreklamo nga guwardiya nga magpasaka sang kaso, kinahanglan nga magpadulong sila sa National Labor Relations Commission (NLRC) sa Iloilo.
Gin-athag pa ni Julicpa, ang pagterminate sang kontrata ang yara sa tunga sang Sacred Heart of Jesus Development Corporation (SHJDC) kag Tres Niñas Security Agency.
Mahimo lamang nga ma-terminate ang contract kun indi sila satisfied sa performance sang empleyado.
Ginpahayag pa sang opisyal nga obligasyon kag responsibilidad sang ahensiya nga pangitaan sang isa ka employer ang empleyado nga ila ginpull-out sa sulod sang anum ka bulan.
Kun indi mapangitaan sang ahensiya obligado sila nga bayaran sang separation pay ang mga empleyado.
Samtang nagapati ang DOLE nga wala sang pagterminate sa mga security guards nga natabo, bangud wala sang ginhatag nga written letter ukon notisya sa mga natungdan.
