MANILA, Philippines – Nag-anunsyo sang temporaryo nga trabaho ang Department of Labor and Employment “DOLE”, para sa mga rier-partner nga posible apektado sang sobra nga numero sang mga riders.
Sa pahayag ni Labor Secretary Francis Tolentino, ini ang ginatun-an sang ahensya ang mga posible nga tikang agud mabuligan ang mga riders nga apektado sang amo nga issue.
Suno kay Tolentino, lakip sa mga solusyon nga gina-istoryahan amo ang posibilidad nga batunon ukon absorbon sang iban pa nga motorcycle taxi companies ang mga riders nga mahimo madulaan sang oportunidad nga makabiyahe sa ila subong nga plataporma.
Kasunod ini sang tikang sang Land Transportation Franchising and Regulatory Board “LTFRB”, matapos nadeterminar nga nagsobra sa authorized number ang mga rider-partners sang isa ka rider company sa idalum sang Motorcycle Taxi Pilot Program.
Samtang, ginklaro nga wala pa sang pinal nga kasugtanan sa mga tikang nga pagahimuon para sa mga apektado nga riders bangud may lain-lain nga polisiya sa pagbaton sang riders ang tagsa ka motorcycle taxi platform.
Sa karon nahibaluan nga ginatun-an pa sang DOLE ang assistance para sa mga riders kun sa diin wala pa makumpirmar nga magahatag ini sang temporaryo nga trabaho.
