Nagpaguwa ang Department of Labor and Employment (DOLE) sang mga pagsulundan sa husto nga sweldo para sa palaabuton nga Pebrero 17, 2026, isa ka special non-working day bangud sa selebrasyon sang Chinese New Year.
Sa Labor advisory nga ginpirmahan ni DOLE Secretary Bienvenido Laguesma, ang sin-o man nga empleyado nga magtrabaho sa nasambit nga adlaw pagabayaran sang dugang nga 30 percent sang iya basic wage sa una nga walo ka oras.
Kon kapin sa walo ka oras ang gin-obra, may dugang nga 30 percent sa kada oras .
Samtang, kun tawgon ang isa ka empleyado nga natalana nga magtrabaho sa iya rest day, bayaran ini sang dugang nga 50 percent sa una nga walo ka oras kag kun masobra sa walo ka oras ang gintrabaho, dugangan ini sang 30 percent sa tagsa ka oras nga gintrabaho.
Samtang ang mga empleyado nga indi magsulod ang ipaidalom sa polisa nga “no-work-no-pay”.
