Nag-isyu sang mga pagsulundan ang Department of Labor and Employment (DOLE) sang mga pagsulundan para sa sakto nga pagsulundan sa holidays sa Agosto 21 ukon Ninoy Aquino Day kag Agosto 25 ukon National Heroes Day.
Suno kay Labor Sec. Bienvenido Laguesma, gindeklara ni Prsidente Ferdinand Marcos Jr. sa bisa sang Proclamation No. 727 ang Agosto 21 bilang special non working holiday samtang ang Agosto 25 naman bilang regular holiday.
Sa gin-isyu nga guidelines sang ahensiya, ang mga empleyado sa mga pribado nga sektor nga magasulod sa special non-working holiday sa Agosto 21 ang kinahanglan nga makabaton sang dugang nga 30% sang ila adlawan nga sweldo magluwas pa sa basic wage para sa una nga walo ka oras.
Kun overtime naman, kinahanglan nga makabaton ang mga empleyado sang 30% sang ila inoras nga sweldo. Kun natuon naman sa rest day, kinahanglan nga makabaton sang dugang nga 50% sang 200% holiday rate kag kun overtime pa ang may dugang nga 30% sang inoras nga sweldo.
Igapatuman man ang “no work, no pay” magluwas na lang kun may polisa ang kompaniya ukon collective bargaining agreement.
Samtang, para naman sa regular holiday sa Agosto 25, kinhanglan nga makabaton sang double pay para sa una nga walo ka oras kag kun nag-overtime, kinahanglan nga makabaton sang dugang nga 30% sang inoras nga sweldo.
Kun natuon sa rest day kag nagsulod ang empleyado, kinahanglan nga mabayaran sang dugang nga 30% sang basic wage magluwas pa sa double pay kag kun overtime, may dugang nga 30% sang inoras nga sweldo.
Makabaton man sa gihapon sang 100% sang basic wage ang mga empleyado nga indi magsulod sa regular holiday, basta nagsulod sa trabaho isa ka adlaw antes ang holiday.
