Nagpagwa ang Department of Labor and Employment (DOLE) sang Labor Advisory No. 01, Series of 2026, may kaangtanan sa sweldo para sa Pebrero 25, 2026, nga ginaselebrar bilang EDSA People Power Anniversary.
Suno sa Proclamation No. 1006, ang Pebrero 25 ginklasipikar bilang isa ka “special working day,” pero ginakabig gihapon nga ordinaryo nga adlaw para sa bayad sang sweldo.
Kung ang empleyado nga indi magreport sa trabaho sa nasambit nga adlaw, ipatuman ang “no work, no pay” nga polisa, maliban lang kung may special nga polisa ang kumpanya o may provision sa collective bargaining agreement (CBA) nga nagabayad bisan wala trabaho.
Kung magreport sa trabaho, magabayad sang 100% sang basic wage sa una nga walo ka oras. Ang mga oras nga magalabaw sa walo ka oras, bayaran sang dugang nga 25% sang hourly rate o 125% sang basic wage.
Ginpaandaman sang DOLE ang mga employers kag workers nga sundon ang mga alituntunin agud masiguro ang husto nga implementasyon sang labor standards sa special working day.
