MANILA, Philippines – Nagpagwa ang Department of Labor and Employment “DOLE”, sang guidelines sa holiday pay para sa Hunyo 12, 2026 ukon Independence Day, nga ginproklamar ni President Ferdinand Marcos Jr., bilang regular holiday.
Suno sa DOLE, ang empleyado nga indi magtrabaho sa nasambit nga adlaw may yara gihapon sang dugang nga 100 percent sang ila adlaw nga sweldo kunsa diin nakasulod sila sa trabaho ukon naka-paid leave sang adlaw antes sang holiday.
Samtang ang mga empleyado nga magatrabaho sa Hunyo 12 makabaton sang 200 percent sang ila adlaw nga sweldo para sa walo ka oras sang trabaho.
Dugang man nga 30 percent sa hourly rate para sa overtime kon masobra sa walo ka oras ang pagtrabaho.
Sa regular holiday naman sa adlaw sang rest day sang empleyado, may dugang nga 30 percent nga bayad sang 200 porsyento nga holiday pay.
Sa pihak nga bahin, nag-anunsyo man ang MRT-3 sang libre nga sakay para sa mga pasahero halin alas-7 tubtob alas-9 sang aga kag alas-5 tubtob alas-7 sang gab-i bilang kabahin sang pagselebrar sang Independence Day.
