MANILA, Philippines – Nagpahayag ang Department of Labor and Employment “DOLE”, nga may yara sang 190,000 sang bakante nga trabaho nga ginpresentar nationwide sa ginpatigayon nga Labor Day job fairs.
Suno kay spokesperson Assistant Secretary Lennard Serrano may 2,274 ka naga-partisipar nga employer kag 190,825 ka bakante nga trabaho bilang kabahin sang nationwide nga selebrasyon sang Labor Day sang ahensya.
Ginpahayag sang Dole nga kadam-an sang bakante ara sa wholesale kag retail, manufacturing, construction, business process outsourcing “BPO”, accommodation kag food service sectors.
Pahayag niya sa 48 nga Kadiwa sang Pangulo nga lugar magabukas man, kon sa diin ang mga nagapangita trabaho makabakal sang barato nga produkto halin sa mga mangunguma paadto sa konsumidor nga programa.
Dugang pa niya ang job fair magapakita sang one-stop shop nga mga booth upod sa mga partner nga ahensya pareho sang Philippine National Police, National Bureau of Investigation, Philippine Health Insurance Corporation, Pag-IBIG, kag iban pa nga ahensya nga may access sa ila serbisyo.
Sa karon nahibaluan ang Kilusang Mayo Uno “KMU”, nagpahayag nga kulang ang amo nga programa kon sa diin 165,000 ka trabaho, samtang ang datos sang wala trabaho sa bulan sang Pebrero may total sang 2.66 milyon sang Pilipino ang wala sang trabaho.
