MANILA, Philippines – Ginpahayag sang Department of Labor and Employment ukon DOLE nga nagapakita sang kalig-on ang labor market sang Pilipinas, apang kinahanglan nga mas tutukan ang paghimo sang de-kalidad nga mga trabaho para sa mga Pilipino.
Suno sa DOLE, nagsaka sa 49.63 milyon ang ihap sang mga may trabaho sang bulan sang Mayo, ukon mas mataas sang kapin 740,000 kumpara sa Abril.
Nagpanubo man ang underemployment rate, nga nagakahulugan nga nagnubo ang ihap sang mga empleyado nga nagapangita pa sang dugang nga oras ukon dugang nga trabaho.
Apang bisan nagdamo ang may trabaho, nagsaka man ang unemployment rate sa 4.8 porsyento ukon katumbas sang 2.5 milyon ka mga Pilipino nga wala sang trabaho sang Mayo.
Sa pihak sini, ginpabutyag sang DOLE nga padayon nila nga palig-unon ang kalidad sang mga trabaho paagi sa job fairs, skills training, kag pagpauswag sang mga programa para sa labor force sa pungsod.
