Nanguna ang Department of Labor and Employment (DOLE) Region 6 sa pagpatigayon sang interagency high-impact, high-visibility inspection sa tanan nga nagapadayon nga high-rise constructions sa Western Visayas.
Suno kay Jorge Ferraris II, officer-in-charge sang DOLE-6 Technical Support and Services Division, ang nasambit nga inspeksyon ang inisyatibo ni DOLE Sec. Francis Tolentino kasunod sang pag-collapse sang building sa Angeles City, Pampanga.
Tinutuyo man sang inspeksyon amo nga masiguro nga protektado ang mga mamumugon sa industriya, ilabi na ang occupational safety kag health aspect.
Ang duha ka adlaw nga inspeksyon ang maga-cover sang lima ka high-rise buildings sa kada probinsya magluwas lang sa Guimaras.
Pahayag niya, kun may yara sang makit-an nga peligro sa pag-inspect, maga-issue gilayon sang work stoppage si Regional Director Sixto Rodriguez Jr.
Ginpahayag naman ni Rodriguez nga ang nasambit nga inisyatibo ang indi regular labor inspection nga ginalantaw ang compliance sa general labor standards kaangay sang sweldo, benepisyo kag safety sang mamumugon.
Sa subong dugang niya, maga-inspect man ang iban nga government agencies sandig sa mandato sang ila tagsa ka mga opisina.
