Ginganyat sang Department of Labor and Employment (DOLE) ang Philippine Amusement and Gaming Corporation (PAGCOR) nga maghatag pa sang mas komprehensibo nga detalye sang mga maapektuhan nga empleyado sini bangud sa pag-ban sang mga Philippine Offshore Gaming Operators (POGO).
Sa Post-SONA forum, ginpahayag ni Labor Secretary Bienvenido Laguesma nga nagadangat sa 15,000 ang bilang sang mga madulaan sang ubra.
Nagpa-fluctuate pa suno diri ang bilang nga ini ilabi na nga indi pa matumod ang sigurado nga bilang sang affected POGO workers.
Sa karon, target suno diri sang DOLE nga matapos ang rofiling sa mga ini sa sulod sang isa ukon tubtob sa duha ka semana.
Magahiwat suno diri sang ‘job-matching’ agud masiguro nga ‘fit’ gihapon sa ila ang igahatag nga bag-o nga ubra.
Pila naman sa mga industriya nga posible nga pagabalhinan sa ila amo ang sa IT sector, ukon sa mga BPO.
Matandaan nga sa SONA ni Presidente Bongbong Marcos, gindeklarar sini ang POGO ban, kag ginmandu sini nga kay-uhon ang mga issue bag-o matapos ang tuig.
