Nagpaguwa ang Philippine Atmospheric, Geophysical and Astronomical Services Administration sang storm surge warning subong nga adlaw bangud sa posible nga pagtaas sang tubig sa mga kadagatan.
Tuga sa gihapon ini sang bagyong Kristine nga hagan-hagan nga nagbaskog kag nagapalapit ini sa kadutaan.
Ginapahayag nga minimal tubtob moderate ang posible nga ituga nga risgo sang storm surge nga magaigo sa sulod sang masunod nga 48 oras.
Rason nga ginapahalong ang mga residente nga malapit sa dagat kag iban pa nga anyong tubig.
Kalakip sa mga posible nga maapektuhan amo ang mga masunod na lugar:
Albay, Aurora, Cagayan, Camarines Norte, Camarines Sur, Catanduanes, Isabela kag Quezon.
Ang disaster risk reduction and management offices ang ginapahalong kag ginpanugyanan nga maghimo sang mga tikang sang paghalong para sa kaluwasan sang mga pumuluyo.
