TACLOBAN CITY – Supportado sang Department of Tourism “DOT”, ang pagpauswag sang duha ka bag-o nga “Jewel Beaches”, sa Pilipinas nga Entalula Beach sa El Nido, Palawan kag Kalanggaman Island sa Palompon, Leyte.
Suno sa DOT, liwat napamatud-an sang Entalula Beach ang katahum sini pagkatapos makasulod sa listahan sang “World’s Best Beaches” kag na-abot pa ang No. 1 subong nga tuig.
Samtang ang Kalanggaman Island naman, una nga nakasulod sa listahan kag nag-stand sa ika-25, nga ginapaabot makapalig-on sang turismo sa Eastern Visayas.
Ang Entatula Beach gindayaw sang turista bangod sa natural nga katahu, apang ang accesssibility sa isla mabudlay nga may kalayuon nga 270 kilometers halin sa Puerto Princesa kag ang oras sang pagbiyahe nga nagaabot sa masobra 30 tubtob 45 minutes.
Samtang ang Kalanggaman Island naman, ginkabig nga accessible kon sa diin mahimo nga makaabot ang turista sa isla 20 kilometers halin sa Ormoc City nga may yara sang pasilidad sa Palompon para sa mga turista, lakip ang boat rentals kag tour arrangements.
Sa karon ang DOT, nagapanawagan sang pagbinuligay sa mga lokal kag tagsa ka stakeholders agud masiguro ang pagsaka sang turismo kag malikawan ang pagkaguba sang isla.
