Ginahanda sang Department of Transportation (DOTr) ang P2.5 billion fuel subsidy kasunod sang pagtaas sang presyo sang gatong bangud sa kinagamo sa Middle East.
Suno kay Acting Secretary Giovanni Lopez, gin-umpisahan na ang dokumentasyon para sa subsidiya nga ipatuman kun maglab-ot sa $80 kada bariles ang presyo sang gatong.
Kadungan sini, gina-review sang Land Transportation Franchising and Regulatory Board (LTFRB) ang mga petisyon sa pagpasaka sang pamlete.
Nahibaluan nga nagapabilin nga tensyonado ang sitwasyon sa Strait of Hormuz, nga ginaagihan sang mas ukon menos 20% sang global seaborne oil supply, kun sa diin pila ka mga barko kag shipping companies ang naapektuhan na man.
Paandam sang mga analyst, pananglitan magpadayon ang mga nagapangambang sa ruta, mahimo nga madulaan sang 8–10 million bariles kada adlaw sa pangkalibutanon nga merkado, nga posible magduso sa presyo sang gatong lampas $100 kada bariles.
